Yuvraj Singh turned back the clock and wowed fans by pulling off a stunning shot while playing in a friendly match for Air India against a Maldives cricket team at the Ekuveni sports grounds. <br />#yuvrajsingh <br />#six <br />#teamindia <br />#cricket <br />#airindia <br />#maldivescricket <br />#ekuvenisportsground <br />#friendlymatch <br />#mumbaiindians <br />#ipl <br /> <br />ఇండియన్ ప్రీమియర్ లీగ్ (ఐపీఎల్) 2019 సీజన్‌కి ముందు ఫామ్‌ను అందుకునేందుకు గాను టీమిండియా వెటరన్ బ్యాట్స్‌మన్ యువరాజ్ సింగ్ తెగ ప్రయత్నిస్తున్నాడు. ఇందులో భాగంగా దేశవాళీ క్రికెట్ అయిన రంజీ మ్యాచ్‌లను సమర్ధంగా వినియోగించుకుంటున్నాడు. <br /> <br />తాజాగా ఎయిర్ ఇండియా తరఫున ఫ్రెండ్లీ మ్యాచ్‌లో ఆడిన యువరాజ్ సింగ్.. మాల్దీవ్ క్రికెట్ టీమ్‌ స్పిన్నర్ బౌలింగ్‌లో కొట్టిన 'స్విచ్ హిట్' సిక్స్ ఇప్పుడు సోషల్ మీడియాలో వైరల్‌గా మారింది. ఈ సిక్స్ అభిమానులకు పాత యువీని గుర్తుకు తెస్తోంది. <br />భారత జట్టు తరుపున యువరాజ్ సింగ్ చివరగా జూన్ 2017లో వెస్టిండిస్‌పై వన్డే ఆడాడు. ఐపీఎల్ 2019 సీజన్ ఆటగాళ్ల వేలంలోనూ తొలుత అమ్ముడుపోలేదు. కనీస ధర రూ.కోటితో వేలంలోకి వచ్చిన యువీని కొనుగోలు చేసేందుకు ఏ ఫ్రాంఛైజీలు ఏమాత్రం ఆసక్తి కనబర్చలేదు. <br /> <br />చివరకు రెండో రౌండ్‌లో కనీస ధరకే ముంబయి ఇండియన్స్ ఫ్రాంఛైజీ కొనుగోలు చేసింది. ఐపీఎల్‌లో ఫామ్‌ని అందుకుని మళ్లీ టీమిండియాలోకి పునరాగమనం చేయాలని యువీ తెగ శ్రమిస్తున్నాడు. అయితే రంజీ క్రికెట్‌కు యువీకి ఎంతమాత్రం కలిసి రాలేదు. 2018-19 రంజీ సీజన్‌లో యువీ పేలవ ప్రదర్శనతో నిరాశపరిచాడు. <br />రంజీ ట్రోఫీలో భాగంగా పంజాబ్ తరుపున మొత్తం 14 మ్యాచ్‌లాడిన యువరాజ్ సింగ్ 99 పరుగులు మాత్రమే చేశాడు. వరల్డ్‌కప్‌కు కొద్ది నెలలు సమయం ఉన్న నేపథ్యంలో ఐపీఎల్ 2019 సీజన్‌లో సత్తా చాటాలని యువరాజ్ ఊవిళ్లూరుతున్నాడు. ఈ ఏడాది మే 30 నుంచి ఇంగ్లాండ్ వేదికగా వన్డే వరల్డ్ కప్ ప్రారంభం కానున్న సంగతి తెలిసిందే.
